Gainerako komertzioak, enpresak eta beste
Kaixo Organikoa-k Bilboko gainerako komertzio eta enpresetan ere egon nahi du. Oraindik ez bazara Kaixo Organikoa eta Bilbon gai organikoak birziklatzeko mugimenduarekin bat egin nahi baduzu, deitu 900 456 888 telefonora edo bidali mezu bat kaixorganikoa@bilbao.eus helbidera.
Kaixo Organikoa izateko, birziklatze-kit bat emango dizugu, osagai hauekin:
Gai organikoetarako kuboa
Kubo marroi bat da, 10 litroko edukierakoa. Zuloak ditu, transpirazioa ahalbidetzeko, usain txarrik ez izateko eta poltsa konpostagarriaren erresistentzia hobetzeko.
Poltsa konpostagarriak
Hondakin organikoak birziklatzeko poltsa bereziak dira, 10 litrokoak. Landare-jatorrikoak dira ehuneko ehunean; beraz, konpostatze-prozesuaren parte dira, hondakin organikoak bezalaxe.
Iman informatiboa
Euskarri honetan adierazten da zein hondakin mota sartu behar diren kubo marroian eta zeintzuk ez.
Txartel elektronikoa
Txartel honek bi erabilera dauzka
- Batetik, Bilbon dauden edukiontzi marroiak irekitzeko balio du, beraietan zabor-poltsa konpostagarria sartzeko.
- Beste alde batetik, txartel hau erabili behar da poltsa konpostagarriak dohainik birjartzeko, amaituz gero. Poltsa hauek txartelarekin eskuratzen dira, barrutietako udaltegietan dauden makinetan. Bilboko Udalak 40 poltsako sorta bat ematen du 12 astean behin, dohainik.
